Sosial

Ana səhifə

Sosial

Dövlət Komitəsinin sədr müavini: “Qadınların ən böyük problemi onların həmrəyliyi ilə bağlıdır”

05 noyabr 2012 08:35 (UTC +04:00)

Bakı. Könül Kamilqızı – APA “Bu gün qadınların cəmiyyətdə iştirakı və təmsil olunması ilə bağlı bir sıra çatışmayan məqamlar var. Bunlardan ən əsası isə qadınların həmrəyliyi ilə bağlıdır”. APA-nın xəbərinə görə, bunu Ailə, Qadın və Uşaq Problemləri üzrə Dövlət Komitəsinin sədr müavini Sədaqət Qəhrəmanova deyib. O bildirib ki, hər bir xanım bu məsələdə üzərinə düşən məsuliyyəti bilməli və buna uyğun hərəkət etməlidir.
S.Qəhrəmanovanın sözlərinə görə, son bələdiyyə seçkilərində qadınların aktivliyini və sayını artırmağa nail olunub: “Belə ki, son seçkilərdə qadınların sayı 4 faizdən 26,7 faizədək yüksəldi. Ancaq onların sonrakı fəaliyyətinə də dəstək lazım idi. Bu gün bəzi bələdiyyə sədrləri mübarizəyə, onlara göstərilən müqavimətə tab gətirməyərək vəzifədən uzaqlaşıblar. Biz qadınlar əgər cəmiyyətdə lider olmaq istəyiriksə, ailədəki işlərlə cəmiyyətdə görəcəyimi işləri tənzimləməliyik. Əgər bunu kimsə bacarmırsa, liderliyə doğru getməyin heç bir əhəmiyyəti yoxdur”.

qadın problemləri