Abel Məhərrəmov: “Tələbələrin təhsil formasını sərbəst seçmələri universitetdə xırda problemlər yaradıb”
12 sentyabr 2012 11:23 (UTC +04:00)
APA-nın xəbərinə görə, bunu Bakı Dövlət Universitetinin rektoru Abel Məhərrəmov jurnalistlərə açıqlamasında deyib. Onun sözlərinə görə, Universitetdə qeydə alınan bu ilki nəticələr bir qədər gözlənilməz olub: “Əvvəllər BDU-ya qəbul olunan 3500 tələbənin 25-30 faizi qiyabi təhsil formasında təhsil alırdı. Builki tələbə qəbulu sistemində edilən dəyişikliyə əsasən, onlar təhsil almaq istədikləri istiqaməti özləri seçdiklərindən daha çox əyani təhsilə üstünlük veriblər. Bu məsələ dövlətin apardığı siyasət olduğundan tələbələrə heç bir baryer qoyulmadı. Universitetə qəbul olan tələbələrdən yalnız 90-a yaxını qiyabi təhsil almaq istədi. Amma bu, xırda problemlərə də gətirib çıxardı. Çünki elə ixtisas var idi ki, orada 1-3 tələbə təhsil almaq istəyirdi. Bunları rektorluqda müzakirə edərək müəyyən çıxış yolları tapmışıq. Əsas odur ki, gəncin istək və arzusu həyata keçsin”.
Sosial
Gəncədə yaşayan pravoslavlar Pasxa bayramını qeyd ediblər - FOTO
10:53
5 may 2024
Bakıda 20 dərəcə isti var, yağış yağacaq – FAKTİKİ HAVA
09:25
5 may 2024
TƏBİB Gəncə Şəhər Birləşmiş Xəstəxanasında külli miqdarda korrupsiya faktının aşkarlanmasına münasibət bildirib
17:14
4 may 2024
DYP "Bakı Marafonu-2024" ilə əlaqədar sürücülərə müraciət edib
15:07
4 may 2024