Maliyyə

Ana səhifə

Maliyyə

Azərbaycan İpoteka Fondu yeni istiqraz emissiyasının yerləşdirilməsinə başlayır

13 mart 2012 13:49 (UTC +04:00)

AİF-dən «APA-Economics»ə verilən məlumata görə, hərraca ilkin olaraq 2 mln. manat həcmində istiqraz çıxarılacaq. İstiqrazlar üzrə öhdəliklər emitent tərəfindən 2022-ci ilin yanvarın 22-də icra olunacaq. Yerləşdirmə kütləvi təklif üsulu ilə BFB vasitəsilə keçiriləcək.

Qeyd edək ki, Qiymətli Kağızlar üzrə Dövlət Komitəsi tərəfindən AİF-in faizli adlı sənədsiz təmin edilmiş istiqrazlarının yeni emissiya prospekti 2012-ci ilin yanvar ayında qeydə alınıb. Emissiyanın ümumi həcmi 30 mln. manat, bir istiqrazın nominal dəyəri 1 000 manat, istiqrazlar üzrə gəlirlik isə illik 3% təşkil edir.

Xatırladaq ki, bundan öncə AİF-in yerləşdirməsi 2009-cu ilin iyununda başlanan və həcmi 55 mln. manat olan, yerləşdirməsi 2010-cu ilin fevralın 1-də başlanan və həcmi 75 mln. manat olan, yerləşdirməsi 2011-ci ilin yanvarın 17-də başlanan və həcmi 60 mln. manat olan, yerləşdirməsi 2011-ci ilin oktyabrın 4-də başlanan və həcmi 20 mln. manat olan 4 buraxılışı tam yerləşdirilib.