Asiya

Ana səhifə

Asiya

İran prezidenti Türkiyənin xarici işlər naziri ilə görüşüb

27 sentyabr 2012 10:35 (UTC +04:00)

Bakı. Könül Cəfərli - APA. ABŞ-da səfərdə olan İran prezidenti Mahmud Əhmədinejat Nyu-York şəhərində Türkiyənin xarici işlər naziri Əhməd Davudoğlu ilə görüşüb.

APA-nın məlumatına görə, görüşdə iki ölkə arasındakı əlaqələrin daha da inkişaf etdirilməsi, İranın nüvə proqramı, Suriyadakı böhran, islamofobiya, Somalidəki ərzaq böhranı və Myanmada müsəlmanların durumu əsas müzakirə mövzusu olub.

Ə.Davudoğlu bildirib ki, İran Suriyada qan tökülməsinin qarşısının alınması və böhranın həlli üçün öz nüfuzundan istifadə etməlidir.

M.Əhmədinejat da Suriyada qan tökülməsinin qarşısının alınmasını istədiklərini, bu istiqamətdə səy göstərdiklərini və əllərindən gələni əsirgəməyəcəklərini vurğulayıb.