Hadisə

Ana səhifə

Hadisə

Azərbaycanda 9 il əvvəl tanınmış iş adamını oğurlayaraq qətlə yetirən Miryusif Əliyev həbs edilib

27 mart 2012 10:52 (UTC +04:00)

Bu barədə APA-ya Bakı şəhər Baş Polis İdarəsindən bildirilib.

BŞBPİ-nin Cinayət Axtarış İdarəsi əməkdaşları tərəfindən keçirilmiş uğurlu əməliyyat-axtarış tədbirləri nəticəsində 27 mart tarixində Binəqədi rayonunda Cinayət Məcəlləsinin 120.2.1, 120.2.5, 120.2.11 (qəsdən adam öldürmə), 182.3.2 (quldurluq), 217.2 (banditizm) və 228.2.2-ci (qanunsuz odlu silah saxlama) maddələri ilə təqsirləndirilən, 2003-cü ildən axtarışda olan, 1969-cu il təvəllüdlü, əvvəllər məhkum olunmuş, Bakı şəhərində qeydiyyatda olan Əliyev Miryusif Mirislam oğlu martın 27-də tutularaq, Binəqədi Rayon Polis İdarəsinə təhvil verilib.

APA-nın əldə etdiyi məlumata görə, M. Əliyev 13 yanvar 2003-cü il tarixdə Novruzov Rəşad Muğan oğlu və Nəsirov Ümid Kamal oğlu ilə cinayət əlaqəsinə girərək tanınmış iş adamı Məmmədov Knyaz Abbas oğlunu Nərimanov rayonu ərazisində oğurlayıb. M. Əliyev iş adamını ailəsindən onu geri qaytarmaq müqabilində 150 min dollar alıb. Pulu aldıqdan sonra isə iş adamını qətlə yetirib. R. Novruzov və Ü. Nəsirov 2003-cü ildə yaxalanıb. M. Əliyevin barəsində isə 13.03.2003-cü ildən axtarış elan olunub.

qətl