Sosial

Ana səhifə

Sosial

“Ortaq türk tarixi” dərsliyi hazırlanacaq

11 aprel 2012 12:22 (UTC +04:00)

Bakı. Rəşad Süleymanov – APA. Türkdilli ölkələr üçün “Ortaq türk tarixi” dərsliyi hazırlanacaq. APA-nın “Cihan” agentliyinə istinadən verdiyi məlumata görə, bunu Türkdilli Ölkələrin Əməkdaşlığı Şurasının baş katibi Xəlil Akıncı deyib.
Şuranın avqust ayında Qırğızıstanın paytaxtı Bişkek şəhərində keçiriləcək zirvə toplantısında təhsil, mədəniyyət və elm sahəsində əməkdaşlığın genişləndirilməsinə önəm veriləcəyini söyləyən X. Akıncı bildirib ki, bu çərçivədə üzv ölkələrin məktəblərində ortaq tarixin tədrisi və ortaq əlifbaya keçilməsinə dair vacib qərarların qəbulu gözlənilir.
X. Akıncı ticarətin inkişafı üçün qarşıya çıxan əngəllərin aradan qaldırılması sahəsində işlərə başladıqlarını da vurğulayıb.