Bakı. Fərid Mirzəyev – APA. Türkiyə-Suriya sərhədində, Suriyanın şimal-şərqində yerləşən Haseke vilayətinin Kamışlı qəsəbəsində güclü partlayış baş verib. APA-nın “Hürriyət”ə istinadən verdiyi məlumata görə, Kamışlı qəsəbəsində Hilal qovşağı yolunda PKK terror təşkilatının Suriyadakı qanadı PYD-nin qərargahının yaxınlığında bomba yüklü avtomobil partladılıb.
“Röyters”in məlumatına görə, hadisənin məsuliyyətini İŞİD öz üzərinə götürüb.
Suriya dövlət agentliyi - SANA-nın yaydığı xəbərə görə, partlayış nəticəsində 44 nəfərin öldüyü, 140 nəfərin isə yaralandığı bildirilib. Eyni zamanda, partlayış Türkiyənin Mardin vilayətinin Nusaybin qəsəbəsində 2 nəfərin yaralanmasına səbəb olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
