Bakı. Vüsal Nəbiyev - APA-Economics. "Azərbaycan Respublikasında dövlət əmlakının özəlləşdirilməsinin II Dövlət Proqramı"na uyğun olaraq, 2015-ci ildə ümumilikdə kiçik özəlləşdirmə formasında 500-dən çox kiçik dövlət müəssisə və obyekti özəlləşdirilib. Bu barədə "APA-Economics"ə Əmlak Məsələləri Dövlət Komitəsindən məlumat verilib.
Bundan başqa, 470 obyektin yerləşdiyi torpaq sahəsi özəlləşdirilib.
Səhmlərin satışı üzrə keçirilmiş pul hərraclarında 19, investisiya müsabiqələri vasitəsilə isə 5 səhmdar cəmiyyətinin səhmləri satılıb. Dövlət müəssisələrinin bazasında yaradılmış 10 səhmdar cəmiyyətinə idarə heyətinin sədri təyin olunub, 46 səhmdar cəmiyyətində səhmdarların birinci ümumi yığıncağının keçirilməsi təşkil edilib.