Bakı. Anaxanım Hidayətova – APA. Azərbaycanda yaşayan Özbəkistan vətəndaşları Özbəkistanın Oliy Maclisinə keçiriləcək seçkilərdə iştirak edə biləcəklər.
Özbəkistanın ölkəmizdəki səfirliyindən APA-ya verilən məlumata görə, bu məqsədlə səfirlikdə seçki məntəqəsi yaradılacaq. Seçki məntəqəsi dekabrın 21-də açılacaq.
Məntəqə səhər saat 06.00-dan axşam saat 20.00-dək fəaliyyət göstərəcək. Seçkidə iştirak etmək üçün vətəndaşlar özləri ilə şəxsiyyət vəsiqələrini gətirməlidirlər.
Qeyd edək ki, Özbəkistanda parlament seçkilərində 4 partiya iştirak edəcək.