Bakı. Aynur Əliyeva - APA-Economics. “Azərbaycan hava Yolları” QSC (AZAL) Bakı-Nyu York-Bakı istiqamətində müntəzəm uçuşlarının sayını artırıb.
AZAL-ın mətbuat xidmətinin rəhbəri Məhərrəm Səfərli “APA-Economics”ə bildirib ki, artıq bu həftədən başlayaraq uçuşlar həftədə üç dəfə yerinə yetirilir.
Onun sözlərinə görə, hazırda Nyu-York şəhərinin Kennedi hava limanına reyslər hər həftə bazar ertəsi, çərşənbə və şənbə günləri yerinə yetirilir. Bakıdan uçuş yerli vaxtla saat 06:00-da, Nyu-Yorkda enmə isə yerli vaxtla saat 09:30-da həyata keçilir.
Əks-istiqamətdə uçuşlar həftənin çərşənbə axşamı, cümə axşamı və bazar günləri həyata keçirilir.
Reyslər uzaq məsafəli istiqamətlərdə uçuşlar üçün nəzərdə tutulmuş “Airbus-A 340” tipli hava gəmilərində yerinə yetirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
