Bakı. Rüfət Əhmədzadə - APA. İsrailin Qəzza zolağına atdığı raketlərdən biri HAMAS-ın silahlı qanadının lideri Muhammed Deyfin həyat yoldaşı və 7 aylıq körpə övladı da daxil olmaqla, 11 nəfərin həyatına son qoyub. APA-nın “Reuters”ə istinadən verdiyi məlumata görə, HAMAS-ın Qahirə təmsilçiliyi əsl hədəfin M. Deyf olduğunu bildirib.
İsrail hərbçiləri qeyd ediblər ki, son 2 gündə Qəzzadakı terror şəbəkələrinə döyüş təyyarələri tərəfindən 80 zərbə endirilib. Eyni zamanda Qəzza tərəfdən İsrail ərazilərinə 100-ə yaxın raketin atıldığı deyilir.
HAMAS nümayəndələri deyiblər ki, M. Deyf hədəf alınan evdən istifadə etmirdi və orada ailəsi yaşayırdı. Hazırda M. Deyfin harda olması barədə məlumat yoxdur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
