Daxili siyasət

Ana səhifə

Daxili siyasət

Mərkəzi Seçki Komissiyası qeydiyyatdan çıxma vəsiqələrinin Dairə Seçki komissiyalarına paylanmasını yekunlaşdırır

25 avqust 2008 13:53 (UTC +04:00)

Bakı. Elnur Məmmədli – APA. Mərkəzi Seçki Komissiyası (MSK) qeydiyyatdan çıxma vəsiqələrini çap edib. Vəsiqələrin Dairə Seçki komissiyalarına paylanmasına sabah yekun vurulacaq. MSK-nın mətbuat xidmətinin rəhbəri Azər Sarıyev APA-ya bildirib ki, Seçki Məcəlləsinin tələbinə uyğun olaraq qeydiyyatdan çıxma vəsiqələri səsverməyə 50 gün qalana kimi Dairə Seçki Komissiyalarına, 25 gün qalana kimi isə məntəqə seçki komissiyalarına təqdim olunmalıdır.

A. Sarıyev bildirib ki, səsvermə günü qeydiyyatda olduğu ərazidə səsverməyə imkanı olmayan seçicilər qanunun bu imkanından istifadə edib ölkənin istədiyi ərazisindəki seçki məntəqəsində səs verə bilərlər. Bunun üçün seçicidən sentyabrın 21-dən oktyabrın 12-dək qeydiyyatda olduğu seçki komissiyasından qeydiyyatdan çıxma vəsiqəsi almaq tələb edilir. Seçici bu vəsiqəni səsvermə günü istənilən seçki məntəqəsinə təqdim etməklə səsvermədə iştirak edə bilər.

A. Sarıyev bu təcrübədən əvvəlki seçkilərdə də istifadə edildiyini deyib.

Azərbaycan_seçki