Bakı-APA. Milli Məclisə keçiriləcək seçkilərə 60 saylı Salyan-Neftçala seçki dairəsindən deputatlığa namizəd İsmayıl Ağayev Salyanın Kürsəngi kəndində seçicilərlə növbəti görüşünü keçirib.
Namizədin Seçki Qərargahından APA-ya bildirilib ki, görüşü giriş sözü ilə açan namizədin vəkili, pedaqoq Gülayə Tağıyeva və İsgəndər Cəfərov namizədin ictimai-siyasi fəaliyyəti haqqında seçicilərə məlumat verib.
Daha sonra çıxış edən şair, AYB-nin üzvü, professor Ənvər Əhməd, Beynəlxalq Diaspor Mərkəzinin Rusiya nümayəndəliyinin rəhbəri Natiq Bədəlov deputatlığa namizəd İsmayıl Ağayevə uğurlar arzulayaraq seçkilərdə Kürsəngi kənd sakinlərini fəal olaraq seçkiyə gəlmələrini və gələcəkləri üçün doğru seçim etmələrini söyləyiblər. Kənd sakinləri adından çıxış edən kənd axundu Böyükağa İsmayıl Ağayevə xeyir-dua verərək, onun layiqli namizəd olduğunu qeyd edib və hamını ona səs verməyə çağırıb. Sonda çıxış edən namizəd İsmayıl Ağayev bildirib ki, o daim seçicilərinin problemlərini, onları narahat edən məsələləri diqqət mərkəzində saxlayaraq, problemlərin həlli üçün əlindən gələni edəcəyinə və parlamentdə onların səsi olacağına söz verib: "Salyan mənim üçün doğma yerdir. Burada mənim Qərbi Azərbaycandan ermənilər tərəfindən deportasiya edilmiş yerlilərim, qohum-əqrəbam məskunlaşıb. Mən sizlərin qarşısında seçki platformamda hansı vədləri vermişəmsə, sizi hansı problemlər narahat edirsə, xüsusilə şəhid və aztəminatlı ailələrin, müharibə veteranlarının, qadın və uşaqların problemlərini öz şəxsi problemim bilərək onların həlli üçün çalışacağıma söz verirəm".
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
