Tehran. Süleyman Fərzəliyev - APA. İranda keçirilən paradda Rusiyadan alınan “S300” zenit-raket kompleksi və uzaq mənzilli “İmad” raketi nümayiş olunub.
APA-nın Tehran bürosunun məlumatına görə, Tehranda “Müqəddəs Müdafiə” həftəsi münasibətilə keçirilən hərbi paradda ilk dəfə olaraq 1650 km məsafədə yerləşən hədəfi məhv etmə qabiliyyəti olan “İmad” raketləri nümayiş olunub.
Prezident Həsən Ruhani Nyu-Yorkda səfərdə olduğu üçün parada qatılmayıb. Parada İran Silahlı Qüvvələrinin Baş Qərargah rəisi Məhəmməd Baqiri rəhbərlik edib. Tədbiri Tehranda akkreditasiya olunmuş əcnəbi hərbi attaşelər də izləyib.
Paradda nümayiş olunan “S300” zenit-raket kompleksi bu yaxınlarda Rusiyadan İrana göndərilib və strateji əhəmiyyətli bölgədə yerləşdirilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
