Bakı-APA. Ficidə baş verən güclü qasırğa nəticəsində ölənlərin sayı 29-a çatıb.
APA-nın TASS agentliyinə istinadən verdiyi məlumata görə, ölənlərin sayının artacağı istisna olunmur.
“Uinston” qasırğası paytaxt Suvada 140 evi dağıdıb. Ficinin ən iri adalarından biri olan, ölkə əhalisinin 70%-in yaşadığı Vit-Levuda 680 ev tam, 425 ev isə qismən dağılıb.
Minlərlə insan evlərini tərk edərək müxtəlif sığınacaq və təxliyə mərkəzlərinə üz tutub.
Qeyd edək ki, fevralın 20-də Fici hökuməti ölkədə təbii fəlakət rejimi elan edib.