Bakı – APA. Əfqanıstan İslam Respublikasının prezidenti Məhəmməd Əşrəf Qani Şəhidlər xiyabanını ziyarət edib.
APA-nın məlumatına görə, burada Əfqanıstan prezidentinin şərəfinə fəxri qarovul dəstəsi düzülüb.
Prezident Məhəmməd Əşrəf Qani Azərbaycanın müstəqilliyi və ərazi bütövlüyü uğrunda mübarizədə canlarından keçmiş qəhrəman Vətən övladlarının məzarlarını ziyarət edib, “Əbədi məşəl” abidəsinin önünə əklil qoyub.
Müdafiə Nazirliyinin əlahiddə nümunəvi orkestrinin ifasında Əfqanıstanın və Azərbaycanın dövlət himnləri səslənib.
Bakının ən hündür nöqtəsindən Azərbaycan paytaxtının mənzərəsini seyr edən qonağa Şəhidlər xiyabanının tarixi və şəhərdə görülən abadlıq-quruculuq işləri barədə məlumat verilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
