Yusif Səfərov küçəsində hərəkət tam və ya qismən məhdudlaşdırılacaq.
Avtomobil Yolları Agentliyindən “APA-Economics”ə verilən xəbərə görə, Bakı şəhərində avtonəqliyyat vasitələrinin təhlükəsiz hərəkətinin tənzimlənməsi məqsədi ilə Xətai rayonu Yusif Səfərov küçəsində üfüqi nişanlanma xətlərinin rənglənməsi ilə əlaqədar olaraq 30 aprel 2018-ci il tarixində adı çəkilən ünvanlarda axşam saat 22:00-dan etibarən hərəkət tam və ya qismən məhdudlaşdırılacaq.
Alternativ olaraq sürücülər Xocalı prospekti və Nəcəfqulu Rəfiyev küçələrindən istifadə edə bilərlər.
Məhdudlaşma səhər saatlarınadək qüvvədə olacaq.