““İncirlik” (ABŞ tərəfindən-red.) müəyyən çərçivələrdə istifadə ediləcək”, deyə prezident bildirib.
APA-nın "RİA Novosti"yə istinadən verdiyi xəbərə görə, Türkiyənin baş naziri Əhməd Davudoğlu ötən gün detalları açıqlamadan ABŞ ilə razılaşmanın əldə olunduğunu təsdiqləyib.
Türkiyə mətbuatının bundan əvvəl verdiyi xəbərə görə, ABŞ və Türkiyə arasında uzun sürən danışıqlardan sonra Vaşinqton Suriyanın şimalında 90 km-lik Türkiyə-Suriya sərhədi boyunca 50 km enində uçuşsuz bufer zonasının yaradılmasına razılıq verib. Bunun müqabilində Ankara ABŞ-a “İncirlik” aviabazasından Suriyada İŞİD terror qruplaşmasına qarşı əməliyyatların aparılması üçün istifadə etməyə icazə verib.