Lənkəranda ağır yol-nəqliyyat qəzası baş verib. APA-nın cənub bürosunun məlumatına görə, hadisə axşam saatlarında şəhərin Füzuli küçəsində qeydə alınıb. Lənkəran şəhəri marşrutu üzrə işləyən sərnişin avtobusu qarşı tərəfdən gələn sərnişin mikroavtobusu ilə toqquşub. Güclü zərbə nəticəsində mikroavtobusun 4 sərnişini müxtəlif dərəcəli bədən xəsarətləri ilə Lənkəran Mərkəzi Rayon Xəstəxanasına (MRX) yerləşdirilib.
Onların hamısına zəruri tibbi yardım göstərilib. MRX-dən xəsarət alanlardan birinin vəziyyətinin ağır olduğu bildirilib.
Faktla bağlı Lənkəran Şəhər-Rayon Polis Şöbəsində araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
