Bakı. Musa Əhmədov – APA-Economics. Hindistan 2016-cı ildə fəaliyyətə başlayacaq “Şimal-Cənub” nəqliyyat layihəsinin reallaşmasında maraqlıdır.
“APA-Economics” “Ria-Novosti”yə istinadən xəbər verir ki, bunu Hindistanın Rusiya Federasiyasında fövqəladə və səlahiyyətli səfiri Şrinivasan Raqxavan deyib. O bildirib ki, bu nəqliyyat dəhlizinin işə düşməsi xərclərin azalmasına gətirib çıxaracaq: “ Biz həqiqətən də bu layihənin işə düşməsi üzərində aktiv işləyirik. Çünki, bu layihə xərcləri iki dəfə azaldacaq”.
Səfir əlavə edib ki, bəzi detallar razılaşdırılmayıb: “Bununla belə biz sürətlə hərəkət edirik. Biz istəyirik ki, 2016-cı ilin əvvəlində bu dəhliz işə düşsün”.
Qeyd edək ki, bu nəqliyyat dəhlizi Hindistan, İran, Rusiya və Azərbaycandan keçəcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
