“Biz Dağlıq Qarabağ münaqişəsinin həlli ilə bağlı ATƏT-in Minsk qrupunun səylərini dəstəkləyirik”.
APA-nın məlumatına görə, bu sözləri Latviyanın xarici işlər naziri Edqar Rinkeviç ATƏT Xarici İşlər Nazirləri Şurasının Hamburqda keçirilən 23-cü iclasında deyib. O, Moldova və Cənubi Qafqazdakı münaqişələrin həlli istiqamətində Almaniya sədrliyinin göstərdiyi səylərə görə təşəkkür edib: “Avropadakı münaqişələrin həllində ATƏT-in rolu çox vacibdir”.