Bakı-APA. Dərbənddə keçirilən xüsusi əməliyyat zamanı 2 silahlı məhv edilib.
APA-nın xəbərində görə, bu barədə RİA Novosti agentliyinə DİN-dəki mənbə məlumat verib.
“Dərbənd şəhərində bir qrup silahlı mühasirəyə alınıb. Təslim olmaq çağırışına onlar atəşlə cavab veriblər. Cavab atəşi ilə 2 silahlı məhv edilib.”, deyə mənbə qeyd edib.
Əməliyyatın oktyabrın 17-i, səhər saatlarında davam edəcəyi bildirilir.
***
21:40
Bakı-APA. Dağıstanın Dərbənd şəhərində antiterror əməliyyatı rejimi tətbiq edilib.
APA-nın xəbərinə görə, bu barədə “RİA Novosti”yə Dağıstan üzrə Əməliyyat Qərargahından bildirilib.
“Əməliyyat Qərargahının rəhbərinin qərarı ilə 20.00-dan (Bakı vaxtı ilə 21.00-da) etibarən Dağıstanın Dərbənd şəhərində antiterror əməliyyat rejimi tətbiq edilib”, - deyə məlumatda bildirilir.
Əməliyyat çərçivəsində silahlılar və onların tərəfdarlarının axtarışı həyata keçirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
