Şəmkirdə baş verən qəzanın təfərrüatları məlum olub.
APA-nın məlumatına görə, rayonun Dəllər kənd sakini Rafiq İsmayılovun idarə etdiyi “VAZ” markalı avtomobil Qazax rayonu istiqamətində hərəkətdə olan zaman Zəyəm kənd sakini Elçin Cəfərovun idarə etdiyi “EO-2621” markalı traktorla toqquşub. Toqquşmadan sonra “VAZ” aşıb.
Qəza nəticəsində R. İsmayılov ölüb, onun sərnişini olan həyat yoldaşı İradə İsmayılova isə xəstəxanaya yerləşdirilib.
Faktla bağlı araşdırma aparılır.
***
Saat 10:08
Şəmkirdə ölümlə nəticələnən yol qəzası baş verib.
APA-nın yerli bürosunun verdiyi xəbərə görə, hadisə Bakı-Qazax yolunun rayon ərazisindən keçən hissəsində qeydə alınıb. 1947-ci il təvəllüdlü İsmayılov Rafiq İsmayıl oğlunun idarə etdiyi “VAZ-21010” markalı avtomobil idarəetmədən çıxaraq aşıb. Nəticədə xəsarətlə xəstəxanaya yerləşdirilən sürücü orada ölüb.
Faktla bağlı araşdırma aparılır.
Fuad Nazimoğlu, Səlcuq Elçin