Balakən rayonunda yoldan keçən şəxsi vuraraq hadisə yerindən qaçan sürücünün kimliyi məlum olub.
APA-nın DİN-in saytına istinadən verdiyi məlumata görə, yanvarın 1-də saat 22 radələrində Balakən rayonunun Qabaqçöl qəsəbəsində müəyyən edilməmiş avtomobillə yolu keçən Qaysa kənd sakini Məhəmməd Əlibəyov vurulub. Nəticədə piyada xəstəxanaya yerləşdirilib.
Balakən RPŞ əməkdaşlarının həyata keçirdikləri əməliyyat-axtarış tədbirləri nəticəsində hadisənin "VAZ-2104" markalı avtomobilin sürücüsü - Qaysa kənd sakini Kamil Xəlilov tərəfindən törədilməsi müəyyən edilib.