Bakı. Fuad Cəfərov - APA. Bakıda avtomobildən xeyli miqdarda narkotik tapılıb. Bakı Şəhər Baş Polis İdarəsindən APA-ya verilən məlumata görə, dekabrın 23-də Babək prospektində Anar Tanrıverdiyevin idarə etdiyi «Range Rover» markalı avtomaşın şübhə doğurduğundan Xətai Rayon Polis İdarəsi 37-ci polis bölməsinin əməkdaşları tərəfindən saxlanılıb və salondan 1 kiloqramdan artıq marixuana aşkar olunub.
Sürücü A. Tanrıverdiyev və sərnişinləri - Ruslan Yaqubov, Anar Allahverdiyev, Qabil Kərimov və Ramil Əsgərov tutulub.
Faktla bağlı araşdırma aparılır.