Bakı. Viktoriya Dementyeva – APA. “Avrasiya İqtisadi Birliyi sırf iqtisadi təşkilatdır və heç bir siyasi ambisiyası yoxdur”. APA-nın xəbərinə görə, bunu Qazaxıstanın Azərbaycandakı səfiri Serik Primbetov Qazaxıstan prezidenti Nursultan Nazarbayevin “Strategiya - 2050” adlı sənədinə həsr olunmuş mətbuat konfransında bildirib.
Onun sözlərinə görə, birliyi məqsədi üzv ölkələr arasında mövcud iqtisadi əlaqələri daha da möhkəmləndirməkdən ibarətdir.
Qeyd edək ki, Avrasiya İqtisadi Birliyinin 2015-ci ildə Vahid İqtisadi Məkana daxil olan Rusiya, Belarus və Qazaxıstanın iştirakı ilə yaradılması planlaşdırılır.