Tovuzda döyülmə faktı qeydə alınıb.
APA-nın qərb bürosunun verdiyi məlumata görə, rayon sakini, 1940-ci il təvəllüdlü Məmmədov Həsən Əsgər oğlu kəllə-beyin travması ilə xəstəxanaya yerləşdirilib.
Ona tibbi yardım göstərilib. Vəziyyətinin orta-ağır olduğu bildirilir. H.Məmmədovun dediyinə görə, o yaşadığı evdə tanımadığı şəxslər tərəfindən döyülüb.
Faktla bağlı hüquq-mühafizə orqanları tərəfindən araşdırma aparılır.