"Naxçıvanbank" istehlak kreditlərini 17%-ə salıb

"Naxçıvanbank" istehlak kreditlərini 17%-ə salıb
# 12 aprel 2017 13:50 (UTC +04:00)

"Naxçıvanbank" ASC-nin Müşahidə Şurasının qərarı ilə bu ildən kreditlərin faiz dərəcələri aşağı salınıb.

"Muxtar respublika sakinləri istehlak kreditlərini 18%-dən 17%-ə, kart kreditlərini 20%-dən 18%-ə, bankın öz vəsaiti hesabına verilən ipoteka kreditlərini isə 11%-dən 10%-ə götürə bilərlər", - deyə bankdan bildirilib.

Qeyd edək ki, ipoteka krediti üzrə faiz dərəcəsinin aşağı salınması "Naxçıvanbank" tərəfindən əvvəlki illərdə verilmiş kreditlərə də şamil olunur.

Cari ildə "Naxçıvanbank" 2 mln. 350 min manat kredit verib. Bu vəsaitin 371 min 600 manatı kənd təsərrüfatı sahəsini əhatə edir. Belə ki, kreditin 120 min manatı heyvandarlıq sahəsinin, 230 min manatı isə əkinçilik sahəsinin payına düşür.

Bank tərəfindən ipoteka kreditlərinin verilməsi də davam etdirilir. Bu il 9-u güzəştli olmaqla, ümumilikdə 17 ailə ipoteka krediti ilə mənzilə sahib olub.

#
#

ƏMƏLİYYAT İCRA OLUNUR