Vaşinqtonda səfərdə olan Türkiyənin xarici işlər naziri Mövlud Çavuşoğlu ABŞ Ədliyyə nazirliyinin rəsmiləri ilə görüşüb
APA-nın xəbərinə görə, bu barədə RİA Novosti agentliyinə nazirliyin nümayəndəsi Piter Karr bildirib.
“Biz görüşlərin keçirildiyini təsdiq edirik. Lakin danışıqlar zamanı müzakirə edilənləri şərh etmirik”, deyə P.Karr vurğulayıb.
Bundan əvvəl ABŞ Ədliyyə Nazirliyi Fətullah Gülənin Türkiyəyə ekstradisiyasına dair Ankaranın təqdim edəcəyi istənilən materialı nəzərdən keçirməyə hazır olduğunu bildirib. “Türkiyə ilə bu məsələ üzərində işləməkdə davam edirik. Türkiyə hökumətinin təqdim edə biləcəyi istənilən yeni materialları tədqiq etməyə hazırıq”, – deyə nazirlikdən bildirilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
