Bakı Slavyan Universiteti (BSU) 2 saylı tədris binasına 1 aydan çoxdur təbii qazın verilməməsi ilə bağlı yayılan xəbərlərə münasibət bildirib. BSU-nun mətbuat katibi İbrahim Quliyev APA-ya deyib ki, Universitetin 1 və 2 saylı tədris binalarında bütün istilik sistemləri yenilənib, ən yüksək səviyyədə qurulub.
“Sadəcə, yenidən aparılan quraşdırma işlərinə görə müəyyən problem ola bilər” – deyə İ. Quliyev qeyd edib.
Qeyd edək ki, sosial şəbəkələrdə BSU-nun 2 saylı tədris binasına 1 aydan çoxdur təbii qazın verilməməsi ilə bağlı məlumat yayılıb.