Bakı – APA. Futzal üzrə milli komandaların reytinq siyahısı açıqlanıb. Apasport.az saytının məlumatına görə, Belçikada keçirilən Avropa çempionatının final mərhələsində çıxışını başa vuran Azərbaycan yığması yeni cədvəldə 11-ci pillədə qərarlaşıb. Komandamızın hesabında 1391 xal var.
Millimiz qrupda qalmaqla 1 pillə geriləyib. Sloveniyanı üstələyən (7:6) və İtaliyaya 0:7 hesablı məğlub olan yığmamız 1 həftə əvvəl tutduğu 10-cu yeri əldən verib. Komandamızı ilk “onluq”dan Yaponiya kənarlaşdırıb. Asiyalılar 10-cu yerə sahib çıxıblar.
Qeyd edək ki, siyahının ilk 3 pilləsində Braziliya (1946), İspaniya (1944), Rusiya (1721) yığmaları qərarlaşıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
