Bakı. Vahab Rzayev - APA-Economics. Fevralın 15-dən etibarən Bakı-Tbilisi-Ceyhan əsas ixrac boru kəməri vasitəsi ilə Azərbaycan Dövlət Neft Şirkətinə (ARDNŞ) məxsus xam neftin təchizatına başlanıb. “APA-Economics”in xəbərinə görə, bu barədə şirkətin yaydığı məlumatda deyilir.
Bundan başqa, hazırda Bakı-Novorossiysk kəməri ilə ARDNŞ-a məxsus neftin nəqli barədə Rusiya Federasiyasının “Transneft” şirkəti ilə də danışıqlar davam etdirilir.
ARDNŞ-ın hasil etdiyi neftin Bakı-Tbilisi-Ceyhan kəməri vasitəsilə nəqlinə başlanması şirkətin bu neftin ixrac istiqamətlərinin diversifikasiyasını təmin edir.