Hadisə

Ana səhifə

Hadisə

Zaqatalada növbəti dəfə zəlzələ baş verib

07 may 2012 12:00 (UTC +04:00)

Respublika Seysmoloji Xidmət Mərkəzindən APA-ya verilən məlumata görə, yerli vaxtla saat 13.36-da baş verən yeraltı təkanlar Zaqatalada 4.0 , Qax, Oğuz, Şəki rayonlarında 2.0-3.0 bal gücündə hiss olunub. 10 kilometr dərinlikdə baş verən zəlzələnin episentri Zaqatala rayonundan 18 km cənubi-şərqə düşüb. İnsan tələfatı və tikililərdə dağıntı yoxdur.

Qeyd edək ki, bu gün səhər 09.40 radələrində ölkənin şimal-qərbində yeraltı təkanlar qeydə alınıb. Zəlzələ Zaqatala rayonundan 17 kilometr cənub-qərbdə, yerin 10 kilometr dərinliyində baş verib. Yeraltı təkanlar Zaqatala və Qaxda 7 bal, Şəki, Oğuz ,Qazax Tovuz və digər rayonlarda 2-5 bal arasında hiss olunub. Tikililərdə dağıntı var, insan itkisi yoxdur.