Maliyyə

Ana səhifə

Maliyyə

Azərbaycanda problemli kreditlərin həcmi 30% artıb

19 mart 2012 14:37 (UTC +04:00)

Bakı. Nicat Mustafayev – APA-Economics. Bu ilin fevralın 1-i vəziyyətinə Azərbaycanın bank-kredit təşkilatları tərəfindən iqtisadiyyata 10,1 mlrd. manatlıq kredit vəsaitləri yönəldilib ki, bu da ötən ilin analoji dövrü ilə müqayisədə 10,2% çoxdur.

Dövlət Statistika Komitəsindən «APA-Economics»ə verilən məlumata görə, kredit qoyuluşunun 33,2%-i dövlət, 64,1%-i özəl banklar, 2,7%-i isə bank olmayan kredit təşkilatları tərəfindən həyata keçirilib.

Verilmiş kreditlərin 3 090,1 mln. manatı qısamüddətli, 6 994,5 mln. manatı uzunmüddətli olub, 643,1 mln. manatının isə ödənilmə vaxtı keçib. Ötən ilin analoji dövrü ilə müqayisədə qısamüddətli kreditlərin həcmi 21,1%, uzunmüddətli kreditlər 6%, problemli kreditlər isə 29,4% artıb.