İnfrastruktur

Ana səhifə

İnfrastruktur

AZAL Bakı-Ankara aviareysinin sayını artırır

24 mart 2012 07:44 (UTC +04:00)

Bakı. Nicat Mustafayev – APA-Economics. «Azərbaycan Hava Yolları» QSC (AZAL) Bakı-Ankara aviareyslərinin sayını artırır. AZAL-dan «APA-Economics»ə verilən məlumata görə, martın 25-dən etibarən Bakı-Ankara-Bakı aviareyslərinin sayı 4-ə çatdırılacaq. Bu günədək marşrut üzrə uçuşlar hər həftənin I, IV və VI günləri yerinə yetirilirdisə, martın 25-dən Bakıdan Ankaraya və əks istiqamətə uçuşlar həftənin III günləri də həyata keçiriləcək. Beləliklə, Bakı-Ankara-Bakı aviareysi üzrə uçuşlar həftədə 3 dəfə deyil, 4 dəfə yerinə yetiriləcək. Bakıdan Ankara istiqamətinə təyyarə qeyd olunan günlər saat 10:30-da havaya qalxır.

Qeyd edək ki, Bakı-Ankara-Bakı aviareysi «Airbus A-319» tipli təyyarə ilə yerinə yetirilir. Hazırda hər iki istiqamətə bir aviabiletin minimal qiyməti 340 manat, bir istiqamətə isə 225 manat təşkil edir.