Apasport.az “KazanFirst” portalına istinadən xəbər verir ki, 26 yaşlı futbolçu ehtiyatda qaldığı üçün Kazan təmsilçisi ilə yollarını ayırır.
Tatarıstanlı həmkarlarımız “Rubin”lə hələ yarım illik müqaviləsi olan Abışovun transfer qiymətinin 400 min avro olduğunu açıqlayıblar.
Qeyd edək ki, Ruslan 2013-cü ildə “Rubin”in sabiq baş məşqçisi Kurban Berdıyevin istəyi ilə “Xəzər Lənkəran”dan transfer olunsa da, onun dönəmində əsas heyətə düşməkdə çətinlik çəkirdi. Komandanın yeni çalışdırıcı Rinat Bilyaletdinov da Abışova “11-lik”də şans vermədiyindən, millimizin üzvü durumundan narazıdır.
R. Abışov dəfələrlə karyerasını xaricdə davam etdirmək istədiyini açıqlasa da, ona daha çox yerli klublar maraq göstərir. Konkret olaraq, “Qəbələ” və “Bakı”nın Ruslanı öz heyətlərində görmək istədiyi yönündə xəbərlər var.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
