Bakı. Real Cəfərli – APA. İran prezidenti Mahmud Əhmədinejadın məhkəmə prosesi bu il noyabrın 25-də, yəni prezident səlahiyyətlərinin bitməsindən 4 ay sonra başlayacaq. APA-nın “Mehr” xəbər agentliyinə istinadən verdiyi məlumata görə, işə Tehran vilayətinin Ağır Cinayətlər Məhkəməsinin 76-cı şöbəsində baxılacaq. Artıq bununla bağlı M. Əhmədinejada çağırış vərəqəsi göndərilib.
M. Əhmədinejad məhkəməyə parlamentin sədri Əli Laricani, parlamentin 90-cı qanun komissiyasının sədri Məhəmmədəli Purmuxtar və sadə vətəndaş Yaqub Xəlilnejadın şikayəti əsasında çağırılıb. İran Konstitusiyasına görə, fiziki və hüquqi şəxslər prezident, vitse-prezidentlər və nazirlər haqqında şikayət edə bilirlər.
Qeyd edək ki, Ə. Laricaninin şikayətinin M. Əhmədinejadın fevralın 3-də İran parlamentində qardaşı Fazil Laricani barəsində yaydığı qalmaqallı audioyazı və ittihamlarla bağlı olduğu ehtimal edilir. M. Purmuxtarın şikayətinə səbəb isə M. Əhmədinejadın ötən il ABŞ-ın Nyu-York şəhərində keçirilmiş BMT Baş Assambleyasının yığıncağına özü ilə bərabər 125 nəfəri aparması və bununla da ölkəni xərcə salmasıdır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
