Xaçmaz. Vəli Turan - APA. Bu gün Xaçmaz rayonunda zəhərlənmə faktı qeydə alınıb.
APA-nın şimal bürosunun verdiyi məlumata görə, Xaçmaz rayonun Qıraqlı kənd sakini 1981-ci il təvəllüdlü Niftəliyeva Natəvan Çələbi qızı zəhərlənmə diaqnozu ilə xəstəxanaya yerləşdirilib.
Müayinə zamanı onun evdə hazırlanmış lobya turşusundan zəhərləndiyi məlum olub. Xəstəyə ilkin yardım göstərildikdən sonra ambulator müalicə üçün evə buraxılıb.