APA-nın "Ukrinform"a istinadən verdiyi məlumata görə, bunu Latviyanın sabiq prezidenti Vayra Vike-Freyberqa yerli telekanalların birinə müsahibəsində deyib.
“Putinin beynəlxalq əlaqələrə yanaşması ənənəvi yanaşmadan kökündən fərqlənir. Rusiya ilə sıx əməkdaşlıq etmək istəyən Qərb liderləri etiraf etməlidirlər ki, xeyli problemlər mövcuddur”, - deyə o vurğulayıb.
V. Vike-Freyberqa qeyd edib ki, Latviya NATO-ya üzv olmasaydı, təkbaşına özünü qoruya bilməzdi. Bununla belə sabiq prezident əlavə edib ki, digər ölkələrin yardımına da tam etibar etmək olmaz.