Bakı. Aynur Əliyeva - APA-Economics. Rusiyanın “Ural Hava Yolları” aviaşirkəti oktyabr ayının sonundan etibarən yeni Yekaterinburq-Bakı aviareysi açır.
Bakı aeroportundan “APA-Economics”ə verilən məlumata görə, Yekaterinburqdan Bakıya və əks istiqamətə reyslər həftənin cümə axşamları saat 15:25-də və bazar günləri saat 20:00-də həyata keçiriləcək.
Uçuşlar ekonom və biznes-klass salonları ilə təchiz edilmiş “Airbus 320” təyyarələri ilə yerinə yetiriləcək. Yekaterinburqdan Bakıya və əks istiqamətə biletlərin qiyməti 475 AZN-dən başlayır.
Qeyd edək ki, “Ural Hava Yolları” aviaşirkəti Rusiyanın altı ən aparıcı aviaşirkətləri sırasına daxildir. Şirkət 2012-ci ildə 3,5 mln.-dan artıq sərnişinə xidmət göstərib və 170-dən artıq istiqamət üzrə uçuşlar həyata keçirir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
