Bakı. Aqşin Rafiqoğlu – APA-Economics. Bu ayın sonunda Lüksemburqda ənənəvi Beynəlxalq Lüksemburq Bazarı təşkil olunacaq.
Azərbaycanda İxracın və İnvestisiyaların Təşviqi Fondundan (Azpromo) «APA-Economics»ə verilən məlumata görə, tədbir noyabrın 30-da başlayacaq və iki gün davam edəcək. Bu tədbirdə hər il 50-dən çox ölkə öz mədəniyyətini, mətbəxini və bir sıra məhsullarını nümayiş etdirir və 25-30 min insan tədbiri ziyarət edir.
Lüksemburq-Azərbaycan Ticarət Palatası Azərbaycan iş adamlarını tədbirdə iştiraka dəvət edir. Sahibkarlar Beynəlxalq Lüksemburq Bazarında iştirak edərək öz məhsullarını Avropa alıcılarına nümayiş etdirə bilərlər.
Ətraflı məlumat almaq üçün Lüksemburq-Azərbaycan Ticarət Palatasının vitse-prezidenti Seymur Əhmədova müraciət etmək olar (tel:+352691775557).
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
