Bakı – APA. Nepalda sərnişin avtobusunun çaya düşməsi nəticəsində 14 nəfər ölüb, 6 nəfər xəsarət alıb.
APA-nın “İnterfaks”a istinadən verdiyi məlumata görə, bu haqda yerli hakimiyyət orqanlarının nümayəndələri bildiriblər.
Məlum olub ki, 12 nəfər hadisə yerində ölüb, daha 2 nəfər isə xəstəxanada vəfat edib.
Qəza paytaxt Katmandudan 320 kilometr şimal-şərqdə yerləşən Çidipani yaşayış məntəqəsi yaxınlığında baş verib.