Fövqəladə Hallar Nazirliyindən (FHN) APA-ya verilən məlumata görə, ötən gün tapılan mərmi bu gün səhər saatlarında Hacı Zeynalabdin Tağıyev qəsəbəsində partladılıb.
Qeyd edək ki, döyüş sursatı paytaxtın Yasamal rayonunda aşkarlanıb. Dərhal FHN-in müvafiq qurumlarının mütəxəssisləri və xilasediciləri zəruri tədbirlərin görülməsi üçün hadisə yerinə cəlb edilib, aidiyyəti qurumlar məlumatlandırılıb. Əraziyə baxış keçirilərkən müəyyən olunub ki, 1 ədəd 82 millimetrlik mina atan mərmi döyüş tətbiqinə tam yararlıdır. Nazirliyin xilasediciləri və mütəxəssisləri aşkarlanmış sursatı ərazidən uzaqlaşdıraraq zərərsizləşdiriblər. Əməliyyat saat 20:23-də başa çatıb.