Bakı. Aynur Əliyeva – APA-Economics. Bakı şəhərindən Azərbaycan-Gürcüstan sərhədinə qədər avtomobil yolunun tərkib hissəsi olan Hacıqabul-Kürdəmir yolunda təmir işləri davam etdirilir. Yolun uzunluğu 80 km təşkil edir. Layihə üzrə 5 yol qovşağı, 1 körpü, müxtəlif diametrli suötürücü boruları, yeraltı keçidlər və yaşayış məntəqələrindən keçən ərazilərdə yerli yolların tikintisi nəzərdə tutulub.
«Azəryolservis» ASC-nin mətbuat xidmətinin rəhbəri Pünhan Mürsəliyevin «APA-Economics»ə verdiyi məlumata görə, tikinti işləri çərçivəsində 1 körpü və yanaşma yolları istisna olmaqla, 5 yol qovşağının tikintisi başa çatdırılıb.
Məlumata görə, nəzərdə tutulan 196 suötürücü qurğusundan 160-ı tikilib, torpaq işlərinin 94%-i, asfalt işlərinin isə 75%-i yerinə yetirilib. Tətbiq olunan iki növbəli iş rejiminə uyğun olaraq hazırda tikinti işləri sürətlə davam etdirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
