Bakı. Aynur Əliyeva – APA-Economics. Azərbaycan və Türkiyə kənd təsərrüfatı sahəsində birgə yeni pilot layihəsi həyata keçirəcək.
«APA-Economics»in məlumatına görə, Türkiyə Baş Nazirliyinin Türk Əməkdaşlıq və Əlaqələndirmə Agentliyi (TİKA) Azərbaycan İqtisadiyyat və Sənaye Nazirliyinin müraciət əsasında Xaçmaz rayonunda xüsusi heyvandarlıq kompleksinin yaradılmasına yardım edəcək. Bu məqsədlə yaxın günlərdə TİKA nümayəndələri Azərbaycana səfər edəcəklər.
Qeyd edək ki, TİKA Azərbaycana kənd təsərrüfatı məhsullarının istehsalında, kənd təsərrüfatı məhsullarının istehsalı zamanı xarici asılılığın aradan qaldırılmasında böyük kömək göstərir. Agentlik texniki yardım çərçivəsində əsasən kənd təsərrüfatının idarə olunmasında aparıcı texniki üsullardan istifadə olunması, müasir texnologiyanın tətbiqi, avadanlıq, biznes-planlanma, layihə hazırlanması və s. sahələr üzrə dəstək göstərir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
