Bakı. “APA-Economics”. “PAŞA Həyat Sığorta” şirkəti Rumıniyada keçirilən “FIAR 2014 - Beynəlxalq Sığorta və Təkrarsığorta Forumu”nda xüsusi beynəlxalq mükafata layiq görülüb.
Şirkətdən “”APA-Economics”ə verilən məlumata görə, "XPRIMM Insurance Report" beynəlxalq sığorta jurnalı tərəfindən təşkil edilən forum çərçivəsində “PAŞA Həyat Sığorta” Azərbaycanda “ən mənfəətli həyat sığortası şirkəti” nominasiyası üzrə mükafata layiq görülüb.
Mükafatların təqdimetmə mərasimində iştirak edən “PAŞA Həyat Sığorta” şirkətinin İdarə Heyətinin sədr müavini Niyaz İsmayılov öz çıxışında şirkətin əsas fəaliyyət istiqamətləri, maliyyə göstəriciləri, həmçinin əldə olunan uğur və nailiyyətləri haqda geniş məlumat verib.
N. İsmayılov çıxışının sonunda şirkətin belə nüfuzlu nominasiya üzrə beynəlxalq mükafatla təltif edilməsinə görə təşkilatçılara və layihənin bütün iştirakçılarına dərin təşəkkürünü bildirib.
Forum çərçivəsində Şərqi Avropa və MDB ölkələrinin ən yaxşı sığorta, təkrarsığorta və broker şirkətləri, həmçinin ictimai təşkilatlar da mükafatlandırılıb.
Beynəlxalq Sığorta və Təkrarsığorta Forumu 1998-ci ildən təşkil edilir. Hər il tədbirdə 500-dən çox nümayəndə iştirak edir. Tədbirə Avropanın sığorta, təkrarsığorta, bank, lizinq, konsultant, audit, İT və Kommunikasiya sektoru şirkətlərinin lider və mütəxəssislərindən ibarət iştirakçıları qatılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
