Bakı - APA. “Qarabağ” sabah Türkiyəyə yollanacaq. Apasport.az saytının məlumatına görə, Avroliqaya hazırlaşmaq üçün qardaş ölkəyə gedəcək komanda iyunun 8-dən başlayan hazırlıqlarının Bakı mərhələsini başa çatdırıb.
Ağdam təmsilçisi sabah səhər Bakı – Ankara reysiylə yola düşəcək. Komanda axşam Qızılcahamamda məşqə çıxacaq. “Qarabağ” Avroliqanın püşkünə qədər Türkiyədə məskunlaşacaq.
Püşkə əsasən komanda ilk oyununu evdə keçirməli olsa iyunun 28-i Bakıya qayıtmağı planlaşdırır. Əks halda, Türkiyədən səfər oyununa yollanacaq.
Qeyd edək ki, Avroliqanın ilk turunun oyunları iyulun 4-ü və 11-i keçiriləcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
