Bakı-APA. Tanınmış rusiyalı sahibkar Boris Berezovskinin dəfni bu gün yerli vaxtla 13.30-da (Baki vaxtı ilə 16.30-da) Surrey qraflığının qəbiristanlıqlarının birində dəfn olunacaq. APA-nın məlumatına görə, bu barədə “RİA Novosti”yə Boris Berezovskinin yeznəsi Yeqor Şuppe məlumat verib.
“Ailə bütün çətinlikləri keçməyə bacardı. Dəfn mayın 8-də saat 13.30 radələrində Londonda yox, şəhərdən kənarda yerləşən Surrey qraflığında baş tutacaq”, deyə o bildirib.
“Dəfndə onu son mənzilə yola salmaq istəyən demək olar ki bütün şəxslər gələcək. Şübhəsiz ki, bu ailə məsələsidir, lakin burada söhbət tarixi şəxsdən gedir”, deyə o qeyd edib.
Yeqor Şuppe qeyd edib ki, mərasimə jurnalistlər dəvət olunmayıb. “İmkan verin biz onu torpağa tapşıraq”, deyə o bildirib.
Boris Berezovskinin meyiti 2013-cü ilin martın sonlarında onun Böyük Britaniyadakı şəxsi evində aşkarlanıb. Tibbi ekspertizanın ilkin rəyinə əsasən, ölümə səbəb asılma ola bilər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
