Bakı. Real Cəfərli - APA. Ötən gün səhər saatlarında Təbriz şəhərində baş vermiş zəlzələ nəticəsində 8 nəfərin xəsarət aldığı məlum olub. APA-nın «Araznews»a istinadən verdiyi məlumata görə, İranın Şərqi Azərbaycan vilayətinin Təbii fəlakətlərin idarə edilməsi və təcili tibbi yardım Mərkəzinin ictimaiyyətlə əlaqələr şöbəsinin məsul işçisi Həbib Hüseynquluzadə bildirib ki, təbii fəlakət nəticəsində 5 ibtidai sinif şagirdi xəsarət alıb və onlar Təbriz şəhərinin İmam Rza Xəstəxanasına yerləşdiriliblər: «Bu şagirdlər Təbrizin Bağmeşə məhəlləsinə bağlı ibtidai məktəblərdə oxuyurlar».
H.Hüseynquluzadə həmçinin deyib ki, həmçinin, nevroloji problemləri olan daha üç yerli sakin də ambulator qaydada müalicə olunur.
Eyni zamanda Mərkəz rəsmisi Şərqi Azərbaycan vilayətinin aktiv seysmik zona olduğunu vurğulayaraq təbii fəlakətləri idarə etmək üçün yerli sakinləri soyuqqanlı olmağa çağırıb.
Qeyd edək ki, martın 9-da Təbriz şəhərində 3,5 bal gücündə zəlzələ baş verib. Təbii fəlakət Bakı vaxtı ilə saat 10:34-də yerin 17 km dərinliyində, Təbrizdən 8 km, Basmancdan 13 km və Xacədən 19 km uzaqlıqda baş verib.
Təbrizdə baş vermiş zəlzələdə 5 şagird xəsarət alıb
10 mart 2014 09:43 (UTC +04:00)
Hadisə
Ağcabədidə qadın qətlə yetirilib, qaynı saxlanılıb - YENİLƏNİB
16:42
2 may 2024
Bakıda 5 Şri-Lanka vətəndaşından hədə-qorxu ilə pul tələb olunub, Hindistan vətəndaşı tutulub - VİDEO
15:40
2 may 2024
Ucarda yük maşını yanıb - FOTO
13:51
2 may 2024
Pirallahıda kəsici-deşici alətlərin satıldığı balıqçı mağazası müəyyən edilib
11:51
2 may 2024