Quba. Vəli Turan - APA. Yanvarın 31-i axşam saatlarında Quba rayonunda yanğın hadisəsi baş verib.
APA-nın şimal bürosunun verdiyi məlumata görə, hadisə rayonunun İkinci Nügədi kəndində qeydə alınıb. Kənd sakini Süleymanov Bənövşə Sərraf qızına məxsus, ümumi sahəsi 160 kv.m olan ikimərtəbəli 4 otaqdan, aynabənddən ibarət evin 2-ci mərtəbəsinin və dam örtüyünün yanar konstruksiyaları 80 kvadrat metr sahədə yanıb.
Yanğınsöndürənlərin səyi nəticəsində yanğının genişlənməsinin qarşısı alınıb, evin qalan hissəsi yanğından mühafizə olunub.